Ameer UpdatesState News

80:20, കോടതി വിധി, സംവരണം, ന്യൂനപക്ഷ ക്ഷേമപദ്ധതികൾ എന്നീ വിഷയങ്ങളിൽ മുസ്‌ലിം സംഘടനാ നേതാക്കൾ മുഖ്യമന്ത്രിക്ക് നിവേദന മയച്ചു

Kerala muslim leaders

കോഴിക്കോട്: 80:20, കോടതി വിധി, സംവരണം, ന്യൂനപക്ഷ ക്ഷേമപദ്ധതികൾ എന്നീ വിഷയങ്ങളിൽ മുസ്‌ലിം സംഘടനാ നേതാക്കൾ മുഖ്യമന്ത്രി പിണറായി വിജയന് നിവേദന മയച്ചു.

നിവേദനത്തിന്റെ പൂർണരൂപം

ശ്രീ പിണറായി വിജയൻ
ബഹു: മുഖ്യമന്ത്രി കേരള

വിഷയം: ന്യൂനപക്ഷ വിഭാഗങ്ങളുടെ ആനുകൂല്യം സംബന്ധിച്ച്
സൂചന 1) ബഹു കേരള ഹൈക്കോടതിയുടെ 28.5.2021 ( WP(C)No 243555/2020) വിധിപ്രസ്താവം.
2) സാമൂഹിക മാധ്യമങ്ങളിലും മറ്റും പ്രചരിപ്പിക്കുന്ന തെറ്റായ സന്ദേശങ്ങൾ

ബഹു: മുഖ്യമന്ത്രി താഴെ പറയുന്ന കാര്യങ്ങളിൽ അടിയന്തിര നടപടികൾ സ്വീകരിക്കണമെന്ന് അഭ്യർത്ഥിക്കുന്നു

1) ബഹു കേരള ഹൈക്കോടതിയുടെ 28.5.2021(WP(C)No24355/2020) വിധി ദുർബലപ്പെടുത്തുന്ന തിനാവശ്യമായ നിയമനടപടികൾ സ്വീകരിക്കുക. മുസ്‌ലിം സമുദായത്തിന് ലഭിക്കേണ്ട 100% ആനുകൂല്യങ്ങളും ലഭിക്കാൻ നടപടി സ്വീകരിക്കുക.

2) സംസ്ഥാനത്ത് മദ്രസ അധ്യാപകർക്ക് ശമ്പള ഇനത്തിലും മറ്റും കോടിക്കണക്കിന് രൂപ സർക്കാർ വിതരണം ചെയ്യുന്നു എന്നത് ഉൾപ്പെടെ സാമൂഹിക മാധ്യമങ്ങളിലും മറ്റും നടക്കുന്ന തെറ്റായ പ്രചാരണത്തിന്റെ നിജസ്ഥിതി ബോധ്യപ്പെടുത്തുക. വർഗീയ പ്രചാരണം നടത്തുന്നവർക്കെതിരെ നിയമ നടപടി സ്വീകരിക്കുക.

3) മുസ്‌ലിം ന്യൂനപക്ഷത്തിന് ലഭിക്കേണ്ട സംവരണം ഉൾപ്പെടെയുള്ള ആനുകൂല്യങ്ങൾ പൂർണ്ണമായും ലഭിക്കാനാവശ്യമായ നടപടികൾ സ്വീകരിക്കുക.

4) വ്യത്യസ്ത വിഭാഗങ്ങൾക്ക് സംസ്ഥാന സർക്കാർ നൽകിയ ആനുകൂല്യങ്ങളെ സംബന്ധിച്ചും മറ്റും വ്യക്തമാക്കുന്ന ധവളപത്രം പ്രസിദ്ധീകരിക്കുക.

സയ്യിദ് ഹൈദരലി ശിഹാബ് തങ്ങൾ

സയ്യിദ് മുഹമ്മദ് ജിഫ്രി മുത്തുകോയ തങ്ങൾ ( സമസ്ത കേരള ജംഇയ്യതുൽ ഉലമ )

കാന്തപുരം എ.പി അബൂബക്കർ മുസ്‌ലിയാർ (പ്രസിഡണ്ട്,കേരള മുസ്ലിം ജമാഅത്ത് )

എം.ഐ അബ്ദുൽ അസീസ് (അമീർ ,ജമാഅത്തെ ഇസ്ലാമി കേരള)

ടി.പി അബ്ദുല്ലക്കോയ മദനി. (പ്രസിഡണ്ട് ,കേരള നദ് വതുൽ മുജാഹിദീൻ )

തൊടിയൂർ മുഹമ്മദ് കുഞ്ഞി മൗലവി (ജനറൽ സെക്രട്ടറി, ദക്ഷിണ കേരള ജംഇയ്യതുൽ ഉലമാ)

വി.എച്ച് അലിയാർ ഖാസിമി (ജനറൽ സെക്രട്ടറി ജംഇയ്യതുൽ ഉലമാ ഹിന്ദ് )

എ.നജീബ് മൗലവി (ജനറൽ സെക്രട്ടറി കേരള സംസ്ഥാന ജംഇയ്യതുൽ ഉലമാ)

ടി.കെ അശ്റഫ് (ജനറൽ സെക്രട്ടറി വിസ്ഡം ഇസ് ലാമിക് ഓർഗനൈസേഷൻ)

കടക്കൽ അബ്ദുൽ അസീസ് മൗലവി (പ്രസിഡണ്ട് കേരള മുസ്‌ലിം ജമാഅത്ത് ഫെഡറേഷൻ)

സി.പി ഉമർ സുല്ലമി (ജനറൽ സെക്രട്ടറി കെ.എൻ.എം മർകസുദ്ദഅവ)

ഡോ ഫസൽ ഗഫൂർ (പ്രസിഡണ്ട് എം.ഇ.എസ്)

ടി.കെ അബ്ദുൽ കരീം (ജനറൽ സെക്രട്ടറി എം.എസ്.എസ്)

എൻ.കെ അലി ( ജനറൽ സെക്രട്ടറി മെക്ക)

Comment here