റിയാസ് മൗലവിയുടെ കൊലപാതകം: സത്യസന്ധമായ അന്വേഷണം വേണം - എസ്.ഐ.ഒ

കാസർകോട് : ഓൾഡ് ചൂരിയിലെ മദ്രസാദ്ധ്യാപകൻ റിയാസ് മൗലവി കൊല്ലപ്പെട്ട സംഭവത്തിൽ സത്യസന്തമായ അന്വഷണം നടത്തണമെന്നും പ്രതികളെ എത്രയും വേഗം പിടികൂടി നിയമത്തിന് മുന്നിൽ കൊണ്ട് വന്ന് മാതൃകാ പരമായി ശിക്ഷിക്കണമെന്നും എസ്.ഐ.ഒ ജില്ലാ സെക്രട്ടറിയേറ്റ് ആവശ്യപ്പെട്ടു. കാസർകോട് നടക്കുന്ന കൊലപാതകങ്ങളിൽ പ്രതികൾ നിയമത്തിന്റെ പിടിയിൽ നിന്നും എളുപ്പം  രക്ഷപ്പെടുന്ന മുൻ അനുഭവങ്ങൾ  കൊലപാതക സംഘങ്ങൾക്ക് പ്രചോദനമേകുന്നു . നിലവിൽ സമാധാനാന്തരീക്ഷം നിലനിൽക്കുന്ന ജില്ലയിൽ സംഘർഷം സൃഷ്ടിക്കാനുള്ള ഗൂഡ ലക്ഷ്യം ഇതിന് പിന്നിലുണ്ടോയെന്നതടക്കം സമഗ്രമായ അന്വേഷണം നടത്തണം.  കുറ്റവാളികളെ  പിടി കൂടാൻ കാലതാമസം വരുന്തോറും ജില്ലയിലെ സമാധാനന്തരീക്ഷത്തെ അത് പ്രതികൂലമായി ബാധിക്കുമെന്നും സെക്രട്ടറിയേറ്റ് അഭിപ്രായപ്പെട്ടു. ജില്ലാ പ്രസിഡന്റ് റാഷിദ് മുഹിയുദ്ധീൻ അദ്ധ്യക്ഷത വഹിച്ചു.  ജില്ലയുടെ സമാധാനാന്തരീക്ഷം കാത്തു സൂക്ഷിക്കാൻ ശക്തമായ ഐക്യനിരകൾ രൂപപ്പെടണമെന്നും ഇത്തരം സംഭവങ്ങളോട് സമചിത്തതയോടെ സമീപിക്കണമെന്നും പ്രകോപനങ്ങളിൽ വശം വദരാവരുതെന്നും അദ്ദേഹം ഓർമിപ്പിച്ചു. ജില്ലാ  സെക്രട്ടറി വാജിദ് എൻ.എം, കാമ്പസ് സെക്രട്ടറി ഇഅ്സാസ്സുള്ള, പി.ആർ സെക്രട്ടറി അലി മൻസൂർ, ഇർഫാൻ ഇസ്മാഈൽ, അസ്ലം കെ.പി, ഷിബിലി പളളിപ്പുഴ ,മുഹമ്മദലി തുടങ്ങിയവർ സംസാരിച്ചു.