State News

വിദ്യാഭ്യാസ സഹായ പദ്ധതിക്ക് തുടക്കമായി

തലശ്ശേരി: പീപ്പിള്‍സ് ഫൗണ്ടേഷന്‍ Edu Catch സ്‌കൂള്‍ കിറ്റ് | SIO Kerala പുസ്തകപ്പച്ച പഠന സഹായ പദ്ധതി’18 സംസ്ഥാന തല ഉദ്ഘാടനം തലശ്ശേരിയില്‍ മുല്ലപ്പളളി രാമചന്ദ്രന്‍ എം.പി നിർവ്വഹിച്ചു. നിര്‍ധനരായ കുടുംബങ്ങളെ കണ്ടെത്തി പീപ്പിള്‍സ് ഫൗണ്ടേഷന്‍ നടത്തുന്ന ജീവകാരുണ്യ പ്രവര്‍ത്തനം മഹത്തരവും മാതൃകാപരവുമാണെന്ന് അദ്ദേഹം പറഞ്ഞു. വിദ്യാഭ്യാസ ആരോഗ്യ മേഖലയില്‍ സര്‍ക്കാര്‍ സേവനങ്ങള്‍ക്ക് പുറമെ സന്നദ്ധ സംഘടനകളുടെ സേവനവും അത്യന്താപേക്ഷിതമാണ്. സന്നദ്ധതയുളളവരെയും കണ്ടെത്തി പാവപ്പെട്ടവര്‍ക്ക് സഹായമെത്തിക്കുന്നതിലായിരിക്കണം കൂടുതല്‍ ശ്രദ്ധപതിയേണ്ടത്. പീപ്പിള്‍സ് ഫൗണ്ടേഷന്‍ ഇക്കാര്യത്തില്‍ ജാഗ്രതയോടെ പ്രവര്‍ത്തിക്കുന്നുണ്ടെന്ന് മുല്ലപ്പളളി അഭിപ്രായപ്പെട്ടു. തലശ്ശേരി വികസനകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ കെ.വി നയരാജ് കിറ്റ് ഏറ്റുവാങ്ങി.

ഫൗണ്ടേഷന്‍ ചെയര്‍മാന്‍ പി. മുജീബ് റഹ്മാന്‍ അധ്യക്ഷത വഹിച്ചു. എസ്.ഐ.ഒ സംസ്ഥാന പ്രസിഡന്റ് സി.ടി സുഹൈബ്, കേരള വഖഫ് ബോര്‍ഡ് മെംബര്‍ അഡ്വ. പി.വി സൈനുദ്ദീന്‍, ജി.ഐ.ഒ സംസ്ഥാന പ്രസിഡന്റ് അഫീദ് അഹ്മദ്, തലശ്ശേരി നഗരസഭാംഗങ്ങളായ മാജിദ അഷ്ഫാഖ്, സീനത്ത് അബ്ദു സലാം, യു.ഡി.എഫ് തലശ്ശേരി നിയോജക മണ്ഡലം കണ്‍വീനര്‍ അഡ്വ. സി.ടി സജിത്, വെല്‍ഫെയര്‍ പാര്‍ട്ടി ജില്ല സെക്രട്ടറി ജബീന ഇര്‍ഷാദ്, തലശ്ശേരി വ്യാപാരി വ്യവസായി ഏകോപനസമിതി പ്രസിഡന്റ് വി.കെ ജവാദ് അഹമ്മദ്, തലശ്ശേരി മര്‍ച്ചന്റ്‌സ് അസോസിയേഷന്‍ പ്രസിഡന്റ് എ.കെ ആബൂട്ടി ഹാജി, തലശ്ശേരി യുനൈറ്റഡ് മര്‍ച്ചന്റ് ചേംബര്‍ പ്രസിഡന്റ് പി.എം അബ്ദുന്നാസിര്‍, ജമാഅത്തെ ഇസ്‌ലാമി ജില്ല വൈസ് പ്രസിഡന്റ് വി.എന്‍ ഹാരിസ് എന്നിവര്‍ സംസാരിച്ചു. ജില്ല ജനസേവന കോഓഡിനേറ്റര്‍ ആദംകുട്ടി സ്വാഗതവും ഫൗണ്ടേഷന്‍ കോഓഡിനേറ്റര്‍ കെ. അര്‍ഷാദ് നന്ദിയും പറഞ്ഞു.

Comment here