Secretaries
അബ്ദുല്‍ ഹകീം നദ്‌വി
Secretary
ജമാഅത്തെ ഇസ്‌ലാമി സംസ്ഥാന സെക്രട്ടറി
കേരളത്തിലെ അറിയപ്പെടുന്ന പ്രഭാഷകനാണ്. ഇസ്‌ലാമിക, സമകാലിക വിഷയങ്ങളില്‍ ലേഖനങ്ങള്‍ പ്രസിദ്ധീകരിക്കുന്നു. 2021 മുതല്‍ ജമാഅത്തെ ഇസ്‌ലാമി സംസ്ഥാന സെക്രട്ടറി. 2017 മുതല്‍ ജമാഅത്തെ ഇസ്‌ലാമിയുടെ സംസ്ഥാന മജ്‌ലിസ് ശൂറാ അംഗം. 2019 മുതല്‍ കേന്ദ്ര പ്രതിനിധി സഭാംഗം. ശാന്തപുരം അല്‍ജാമിഅ അല്‍ഇസ്‌ലാമിയ, തളിക്കുളം ഇസ്‌ലാമിയ കോളജ് എന്നിവിടങ്ങളില്‍ ഗസ്റ്റ് അധ്യാപകനാണ്.
പ്രബോധനം വാരികയുടെ സഹ പത്രാധിപരായിരുന്നു. ജമാഅത്തെ ഇസ്‌ലാമി മേഖലാ നാസിം, ജില്ലാ പ്രസിഡണ്ട്, സോളിഡാരിറ്റി സംസ്ഥാന സമിതി അംഗം എന്നീ നിലകളില്‍ പ്രവര്‍ത്തിച്ചു. ഒമാനിലെ മലയാളി കൂട്ടായ്മയായ കേരള ഇസ്‌ലാമി അസോസിയേഷന്റെ പ്രസിഡണ്ട്, തളിക്കുളം ഇസ്‌ലാമിയ കോളജ് പ്രിന്‍സിപ്പല്‍ ആയിരുന്നു.
ജനനം: 1975 ഫെബ്രുവരി രണ്ടിന് പാലക്കാട് ജില്ലയിലെ വല്ലപ്പുഴയില്‍
പിതാവ്: കേരളത്തിലെ പ്രമുഖ ദര്‍സുകളില്‍ മുദര്‍റിസായിരുന്ന മർഹൂം കെ.കെ. സിറാജുദ്ദീൻ മുസ്‌ലിയാർ. മാതാവ്: സമസ്ത മുശാവറ അംഗമായിരുന്ന എൻ.കെ. അബ്ദുപ്പു മുസ്‌ലിയാരുടെ മകൾ എൻ.കെ. ഫാതിമകുട്ടി.
വിദ്യാഭ്യാസം: കാലിക്കറ്റ് യൂനിവേഴ്‌സിറ്റിയില്‍ നിന്നും ബിരുദപഠനം, ലഖ്‌നൗ ദാറുൽ ഉലൂം നദ്‌വതുൽ ഉലമയിൽ നിന്നും ആലിമിയത്തിൽ ഉപരിപഠനം.
ഭാര്യ: ആദ്യകാല ജമാഅത്ത് അംഗമായിരുന്ന മർഹൂം സി.കെ. മൊയ്തീൻ മൗലവിയുടെ മകൾ സൈഫുന്നിസ സി.കെ
മക്കള്‍: സഹീന്‍ അഹ്‌സന്‍, സുഹാന അഹ്‌സന്‍, തമീം അഹ്‌സന്‍, ഹാദി അഹ്‌സന്‍
Innovations LLP