Leaders

ജമാഅത്തെ ഇസ്‌ലാമി കേരള അമീര്‍. 

2015 മുതല്‍ 2019 വരെയുള്ള കാലയളവിലേക്കാണ് ജമാഅത്തെ ഇസ്‌ലാമി ഹിന്ദ് കേരള ഘടകത്തിന്റെ നേതൃത്വത്തിലേക്ക് തെരഞ്ഞെടുക്കപ്പെട്ടിട്ടുള്ളത്. 2015 വരെ സംസ്ഥാന ഉപാധ്യക്ഷനായി പ്രവര്‍ത്തിക്കുകയായിരുന്നു. 1994 മുതല്‍ ജമാഅത്തെ ഇസ്ലാമി സംസ്ഥാന കൂടിയാലോചന സമിതിയംഗവും കേന്ദ്ര പ്രതിനിധി സഭാംഗവുമാണ്. ജമാഅത്തെ ഇസ്ലാമിയുടെ മേഖലാ, ജില്ലാ തലങ്ങളിലും സാരഥ്യം വഹിച്ചിട്ടുണ്ട്. സ്റ്റുഡന്റ്‌സ് ഇസ്ലാമിക് ഓര്ഗനൈസേഷന്‍ (എസ്.ഐ.ഒ) സംസ്ഥാന പ്രസിഡന്റായിട്ടുണ്ട്. ശാന്തപുരം അല്‍ജാമിഅ അല്‍ഇസ്‌ലാമിയ്യ ഉന്നതാധികാര സമിതി പ്രസിഡന്റ്, മജ്ലിസുത്തഅ്‌ലീമുല്‍ ഇസ്‌ലാമി ചെയര്‍മാന്‍, ശാന്തപുരം മഹല്ല് ഖാദി മുതലായ സ്ഥാനങ്ങള്‍ വഹിക്കുന്നു. തിരൂര്‍ക്കാട് ഇലാഹിയ കോളജില്‍നിന്ന് അഫ്ദലുല്‍ ഉലമ പഠനം പൂര്‍ത്തിയാക്കി. 1995 ല്‍ ജമാഅത്തെ ഇസ്ലാമി അംഗമായി.
കുടുംബം:
1961 ആഗസ്ത് 17 ാം തീയ്യതി ഇബ്രാഹിമിന്റെയും ഖദീജയുടെയും മകനായി നിലമ്പൂരിനടുത്ത് പാലേമാടില്‍ ജനനം. ഭാര്യ: ഷഹര്‍ബാനു. മക്കള്‍: അനസ് മന്‍സൂര്‍, അസ്ലം തൗഫീഖ്, അസ്മ ഹിബതുല്ല, അമീന്‍ അഹ്‌സന്‍, അഷ്ഫാഖ് അഹ്മദ്.

ഇസ്ലാമിക പണ്ഡിതന്‍. ഗ്രന്ഥകാരന്‍. പ്രഭാഷകന്‍. ജമാഅത്തെ ഇസ്ലാമിയുടെ കേന്ദ്ര പ്രതിനിധി സഭാംഗമാണ്. ഡയലോഗ് സെന്റര്‍ കേരള ഡയറക്ടര്‍, ഇസ്ലാമിക പബ്ലിഷിങ് ഹൗസ് ഡയറക്ടര്‍,  പ്രബോധനം വാരിക ചീഫ് എഡിറ്റര്‍,ഇസ്ലാമിക വിജ്ഞാനകോശം ഡയറക്ടര്‍ എന്നീ ചുമതലകള്‍ വഹിക്കുന്നു. മീഡിയാവണ്‍ ഡയറക്ടര്‍ ബോര്‍ഡ് അംഗം, ഫാറൂഖ് കോളേജ് സ്റ്റുഡന്റ് വെല്‍ഫെയര്‍ ട്രസ്റ്റ് ചെയര്‍മാന്‍, കാരകുന്ന് ഇസ്ലാമിക് ട്രസ്റ്റ് ചെയര്‍മാന്‍, പറവണ്ണ വിദ്യാ ചാരിറ്റബിള്‍ ട്രസ്റ്റ് മെമ്പര്‍, പെരിന്തല്‍മണ്ണ ഇസ്ലാമിക് മിഷന്‍ ട്രസ്റ്റ് മെമ്പര്‍, മഞ്ചേരി ഇശാഅത്തുദ്ദീന്‍ ട്രസ്റ്റ് ചെയര്‍മാന്‍, ഐഡിയല്‍ പബ്ലിക്കേഷന്‍ ട്രസ്റ്റ് മെമ്പര്‍, മാധ്യമം ദിനപത്രം അഡൈ്വസറി ബോര്‍ഡ് മെമ്പര്‍, മജ്‌ലിസ് എഡുക്കേഷന്‍ ട്രസ്റ്റ് എക്‌സിക്യുട്ടീവ് കമ്മിറ്റി മെമ്പര്‍, കാലിക്കറ്റ് ചാരിറ്റബിള്‍ ട്രസ്റ്റ് മെമ്പര്‍, കാലിക്കറ്റ് ധര്‍മ്മധാര ട്രസ്റ്റ് മെമ്പര്‍, കേരള മസ്ജിദ് കൗണ്‍സില്‍ സ്റ്റേറ്റ് മെമ്പര്‍ മുതലായ ഉത്തരവാദിത്തങ്ങള്‍ വഹിക്കുന്നു.എണ്‍പതോളം ഗ്രന്ഥങ്ങള്‍ രചിച്ചിട്ടുണ്ട്. ഓര്‍മ്മകളുടെ ഓളങ്ങളില്‍ എന്ന പേരിലാണ് ആത്മകഥ പ്രസിദ്ധീകരിച്ചിരിക്കുന്നത്.ഫാറൂഖ് ഉമര്‍, ഉമറുബ്‌നു അബ്ദില്‍ അസീസ്, മായാത്ത മുദ്രകള്‍, വ്യക്തിത്വ വികാസം ഇസ്ലാമിക വീക്ഷണത്തില്‍, മാര്‍ഗദീപം, വഴിവിളക്ക്, 20 സ്ത്രീരത്‌നങ്ങള്‍, ഖുര്‍ആന്‍ ലളിതസാരം, പ്രകാശബിന്ദുക്കള്‍, ഹജ്ജ് ചര്യ,ചരിത്രം, ചൈതന്യം, മതത്തിന്റെ മാനുഷിക മുഖം തുടങ്ങിയ അവയില്‍ ചില പ്രധാന കൃതികളാണ്.

വ്യക്തിവിശേഷം:പുലത്ത് മുഹമ്മദ് ഹാജി ഫാത്തിമ ദമ്പതികളുടെ മകനായി 1950 ജുലൈ 15ന് മലപ്പുറം ജില്ലയിലെ മഞ്ചേരിക്കടുത്ത കാരക്കുന്നില്‍ ജനിച്ചു. പുലത്ത് ജനിച്ചു. ഫാറൂഖ് റൗദത്തുല്‍ ഉലൂം അറബിക് കോളേജില്‍ നിന്ന് വിദ്യാഭ്യാസം പൂര്‍ത്തിയാക്കി.എല്‍.ടി.ടി.സി കരസ്ഥമാക്കി. ദോഹയില്‍ നടന്ന ഏഴാമത് ഇന്റര്‍ഫൈത് ഡയലോഗ്, ഐ.ഐ.എഫ്.എസ്.ഒ ഏഷ്യന്‍ റിജണല്‍ ട്രൈനിങ് ക്യാമ്പ്, ദുബായില്‍ നടന്ന ഇന്റര്‍നാഷണല്‍ ഖുര്‍ആന്‍ കോണ്‍ഫറന്‍സ് മുതലായ സമ്മേളനങ്ങളില്‍ പങ്കെടുത്തിട്ടുണ്ട്. ഹൈസ്‌കൂള്‍ അദ്ധ്യാപകനായി ജോലിചെയ്തിട്ടുണ്ട്. 1982 ല്‍ ജമാഅത്തെ ഇസ്‌ലാമിയില്‍ അംഗമായി. ഭാര്യ: ആമിന ഉമ്മു അയ്മന്‍ മക്കള്‍: അനീസ് മുഹമ്മദ്, ഡോ.അലീഫ് മുഹമ്മദ്, ഡോ.ബാസിമ, അയ്മന്‍ മുഹമ്മദ്.

പ്രഭാഷകന്‍. സംഘാടകന്‍. ജമാഅത്തെ ഇസ്ലാമി സംസ്ഥാന അസി.അമീര്‍. ജമാഅത്തെ ഇസ്ലാമി കേന്ദ്ര പ്രതിനിധി സഭാംഗം. 2007 മുതല്‍ 2011 വരെ സോളിഡാരിറ്റി യൂത്ത് മൂവ്‌മെന്റ് സംസ്ഥാന പ്രസിഡന്റായിരുന്നു. ജമാഅത്തെ ഇസ്ലാമി ജനറല്‍ സെക്രട്ടറി, എസ്.ഐ.ഒ സംസ്ഥാന സെക്രട്ടറി, എസ്.ഐ.ഒ. സംസ്ഥാന അസി. സെക്രട്ടറി, ജമാഅത്തെ ഇസ്ലാമി ജില്ലാ നാസിം, സോളിഡാരിറ്റി മലപ്പുറം ജില്ലാ പ്രസിഡണ്ട്, സോളിഡാരിറ്റി സംസ്ഥാന ജനറല്‍ സെക്രട്ടറി എന്നീ നേതൃസ്ഥാനങ്ങള്‍ വഹിച്ചിട്ടുണ്ട്.

വ്യക്തിവിശേഷം: 1972 മാര്‍ച്ച് 5 ന് മര്‍ഹും പി.മുഹമ്മദിന്റെയും ഫാത്തിമ സുഹ്‌റയുടെയും മകനായി മലപ്പുറം ജില്ലയിലെ നിലമ്പൂരില്‍ ജനനം. വിദ്യാഭ്യാസം ബി.എ, ബി.എഡ്, സെറ്റ്. ശാന്തപുരം ഇസ്ലാമിയ കോളേജില്‍ പഠനം പൂര്‍ത്തിയാക്കി. 2000 ല്‍ ജമാഅത്തെ ഇസ്ലാമിയില്‍ അംഗമായി. സോളിഡാരിറ്റി നേതൃത്വത്തിലിരിക്കെ കിനാലൂര്‍ സമരം, എന്റോസള്‍ഫാന്‍ വിരുദ്ധ പ്രക്ഷോഭം, എന്റെ സള്‍ഫാന്‍ ദുരിതബാധിതരുടെ പുനരധിവാസം, പ്ലാച്ചിമട സമരം, ചെങ്ങറ സമരം, ദേശീയ പാത വികസനം, മൂലമ്പിള്ളി സമരം, കുത്തകവിരുദ്ധ സമരം തുടങ്ങി ഒട്ടേറെ ജനകീയ പോരാട്ടങ്ങള്‍ക്ക് നേതൃത്വം നല്‍കി. ഭാര്യ: ജസീല, മക്കള്‍: അമല്‍ റഹ്മാന്‍, അമാന വര്‍ദ, അശ്ഫാഖ് അഹ്മദ്, അമീന അഫ്‌റിന്‍.

ഇസ്ലാമിക പണ്ഡിതന്‍. പ്രഭാഷകന്‍. ജമാഅത്തെ ഇസ്ലാമി അസി.അമീർ. സംസ്ഥാന കൂടിയാലോചനാ സമിതിയംഗം. ജമാഅത്തെ ഇസ്ലാമി കേന്ദ്ര പ്രതിനിധി സംഭാംഗം, ജമാഅത്തെ ഇസ്ലാമി മലപ്പുറം ജില്ലാ പ്രസിഡന്റായിരുന്നു. എസ്.ഐ.ഒ മുന്‍ സംസ്ഥാന പ്രസിഡന്റ്, എസ്.ഐ.ഒ സംസ്ഥാന സമിതിയംഗം, ഖത്തര്‍ ഇന്ത്യന്‍ ഇസ്ലാമിക് അസോസിയേഷന്‍ പ്രസിഡന്റ് എന്നീ ചുമതലകള്‍ വഹിച്ചിട്ടുണ്ട്. 2001 ല്‍ ജമാഅത്തെ ഇസ്ലാമിയില്‍ അംഗമായി.

1968 മെയ് 31 ന് മലപ്പുറം ജില്ലയിലെ കരേക്കാട് ജനിച്ചു. മലപ്പുറം എടയൂരില്‍ താമസിക്കുന്നു. പിതാവ് വി.ടി. കുഞ്ഞിക്കോയ തങ്ങള്‍. മാതാവ്. വി.പി. മൈമൂന ബീവി. വാടാനപ്പള്ളി ഇസ്ലാമിയ്യ കോളേജ്, ദഅ്‌വാ കോളേജ് എന്നിവിടങ്ങളില്‍ പഠനം. ബി.എ. എക്കണോമിക്‌സ്, അഫ്‌സലുല്‍ ഉലമ. ഭാര്യ: വി.ടി. ശരീഫാ ബീവി. മക്കള്‍: ഹിബാ യാസ്മിന്‍, അമീന്‍ അഹ്‌സന്‍, സനാ മര്‍ജാന്‍, സിറാജുല്‍ ഹസന്‍, അബീദ് റഹ്മാന്‍.

സംഘാടകന്‍. ജമാഅത്തെ ഇസ്ലാമി സംസ്ഥാന ജനറല്‍ സെക്രട്ടറി. സംസ്ഥാന ശൂറാ മെമ്പറും കേന്ദ്ര പ്രതിനിധി സഭാംഗവുമാണ്. ജമാഅത്തെ ഇസ്ലാമി സംസ്ഥാന അസി. സെക്രട്ടറി, അസി. അമീര്‍ എന്നീ ചുമതലകളും വഹിച്ചിട്ടുണ്ട്. ജമാഅത്തെ ഇസ്ലാമി കോഴിക്കോട് ജില്ലാ പ്രസിഡന്റ്, ജമാഅത്തെ ഇസ്ലാമി വയനാട് ജില്ലാ പ്രസിഡന്റ്, എസ്.ഐ. ഒ സംസ്ഥാന സെക്രട്ടറി, എസ്.ഐ.ഒ ജില്ലാ സെക്രട്ടറി എന്നീ സ്ഥാനങ്ങളും ഏറ്റെടുത്തിട്ടുണ്ട്.
വ്യക്തിവിശേഷം: മര്‍ഹും പക്കര്‍ എം.കെ.യുടെയും ഖദീജയുടെയും മകനായി കോഴിക്കോട് ജില്ലയിലെ ശിവപുരത്ത് 1961 ഏപ്രില്‍ 5 ന് ജനിച്ചു. അഫ്ദല്‍ ഉലമാ ബിരുദം നേടി. 1992 ല്‍ ജമാഅത്തെ ഇസ്ലാമിയില്‍ അംഗമായി. ഭാര്യ: കെ.സുബൈദ. മക്കള്‍: സുഹൈല, നസീഫ്, നദീം.

സംഘാടകന്‍. ജമാഅത്തെ ഇസ്ലാമി സംസ്ഥാന ശൂറാഗം. ജമാഅത്തെ ഇസ്ലാമി സംസ്ഥാന സെക്രട്ടറി, ജസ്റ്റീഷ്യ ഉപദേശക ബോര്‍ഡ് ചെയര്‍മാന്‍, ധര്‍മ ധാര ട്രസ്‌റ് സെക്രട്ടറി, എഫ്. ഡി.സി.എ (കേരള ചാപ്റ്റര്‍) സെക്രട്ടറി, ഇന്‍ഫാഖ് സസ്റ്റൈനബിള്‍ ഡവലപ്‌മെന്റ് സൊസൈറ്റി ചെയര്‍മാന്‍ എന്നീ സ്ഥാനങ്ങള്‍ വഹിക്കുന്നു. സംഗമം മള്‍ട്ടി സ്റ്റേറ്റ് കോര്‍പറേറ്റീവ് ക്രെഡിറ്റ് സൊസൈറ്റി പ്രസിഡന്റ്, കാലിക്കറ്റ് ചാരിറ്റബിള്‍ ട്രസ്‌ററ് സെക്രട്ടറി,  എന്നീ ഉത്തരവാദിത്വങ്ങളും വഹിക്കുന്നുണ്ട്. സെന്‍ട്രല്‍ റപ്രസന്ററി മെമ്പര്‍, മലര്‍വാടി മാനേജര്‍, ജമാഅത്ത് സംസ്ഥാന അസി.സെക്രട്ടറി, കേരള മസ്ജിദ് കൌണ്‍സില്‍ സെക്രട്ടറി, കേരള ഹജ്ജ് ഗ്രൂപ്പ് സെക്രട്ടറി, ജനസേവന വകുപ്പ് സെക്രട്ടറി, ഇ.എം.എഫ് , മലര്‍വാടി ബാലസംഘം, തനിമ തുടങ്ങിയ വിങ്ങുകളുടെ സംസ്ഥാന രക്ഷാധികാരി എന്നീ ചുമതലകള്‍ വഹിച്ചിരുന്നു. ജിദ്ദയില്‍ നടന്ന ഇസ്ലാമിക് ഡെവലപ്‌മെന്റ് ബാങ്കിന്റെ ത്രിദിന കമ്മ്യൂണിറ്റി ഡെവലപ്‌മെന്റ് വര്‍ക് ഷോപ്പില്‍ പങ്കെടുത്തിട്ടുണ്ട്.

വ്യക്തിവിശേഷം: 1949 ജൂണ്‍ 1 ന് ടി.കെ. കോയക്കുട്ടിയുടെയും കദിയാമ്മുവിന്റെയും മകനായി ഫോര്‍ട്ടുകൊച്ചിയില്‍ ജനനം. വിദ്യാഭ്യാസം- ബി.എസ്.എസി, ഡിപ്‌ളോമ ഇന്‍ സെയില്‍സ് ആന്റ് മാര്‍ക്കറ്റിംഗ് മാനേജ്‌മെന്റ്. ഭാര്യ: കെ.എ. സഫിയ്യ. മക്കള്‍: ലബീബ ഹുസൈന്‍, ഹബീബ ഹുസൈന്‍. 1984 ല്‍ ജമാഅത്തെ ഇസ്ലാമിയില്‍ അംഗമായി.

പി.പി. അബ്ദുറഹ്മാന്‍ പെരിങ്ങാടി. സംസ്ഥാന സെക്രട്ടറുയുമാണ്. കേരള സംസ്ഥാന ഹജ്ജ് കമ്മിറ്റി അംഗം. കേന്ദ്ര പ്രതിനിധിസഭാംഗം, ന്യൂനപക്ഷ സംരക്ഷണ സമിതി സംസ്ഥാന വൈസ് പ്രസിഡന്റ്, പെരിങ്ങാടി ജംഇയ്യത്തുല്‍ ഫലാഹ് ചെയര്‍മാന്‍ എന്നീ ചുമതലകള്‍ വഹിക്കുന്നു. കേരള സംസ്ഥാന വഖഫ് ബോര്‍ഡ് മുന്‍ മെമ്പറായിരുന്നു. കേരള ഇസ്ലാമിക ഗ്രൂപ്പ്, കുവൈത്ത് ജോ. സെക്രട്ടറി, ജമാഅത്തെ ഇസ്ലാമി സംസ്ഥാന അസി. സെക്രട്ടറി, എറണാകുളം ജില്ലാ നാസിം, മേഖലാ നാസി എന്നീ ചുമതലകള്‍ വഹിച്ചിട്ടുണ്ട്.

വ്യക്തിവിശേഷം: മാഹിയിലെ പരേതനായ വി.സി. അഹ്മദ് കുട്ടിയുടെയും പി.പി. റാബിയയുടെയും മകനായി കറാച്ചിയില്‍ ജനനം. പ്രീഡിഗ്രി വിദ്യാഭ്യാസം. 1992 ല്‍ ജമാഅത്തെ ഇസ്ലാമിയില്‍ അംഗമായി. ഭാര്യ: എ. സാജിദ. മക്കള്‍: നഈമ, സലീമ, അഫീഫ, റാബിയ, അബ്ദുല്‍ ഹസീബ്, അബ്ദുല്ല.

ജമാഅത്തെ ഇസ്ലാമി സംസ്ഥാന ശൂറാംഗം. ജമാഅത്തെ ഇസ്ലാമി കേരള സെക്രട്ടറി. ഡയലോഗ് സെന്റര്‍ കേരള സെക്രട്ടറി സ്ഥാനവും വഹിക്കുന്നു. എസ്. ഐ. ഒ മുന്‍ സംസ്ഥാന സെക്രട്ടറിയായിരുന്നു. എസ്. ഐ. ഒ സംസ്ഥാന അസി. സെക്രട്ടറി, എസ്. ഐ. ഒ സംസ്ഥാന കൂടിയാലോചന സമിതിയംഗം, ജമാഅത്തെ ഇസ്ലാമി കേരള ദഅ വാ സെല്‍ സെക്രട്ടറി എന്നീ സ്ഥാനങ്ങള്‍ വഹിച്ചിട്ടുണ്ട്. 1992 ല്‍ ജമാഅത്തെ ഇസ്ലാമിയില്‍ അംഗമായി. വ്യക്തിവിശേഷം: 1968 മാര്‍ച്ച് 12 ന് എന്‍. മൂസക്കോയയുടെയും എം.കെ. ഫാതിമയുടെയും മകനായി കോഴിക്കോട് ജനനം. ഭാര്യ: കെ. അതിയ. മക്കള്‍ ഹുസ്‌ന നസ്‌റിന്‍, ജന്ന പര്‍വിന്‍ , ഫഹ്മി ജിനാന്‍.

ജമാഅത്തെ ഇസ്ലാമി സംസ്ഥാന കൗണ്‍സില്‍ അംഗം, ജമാഅത്തെ ഇസ്ലാമി സംസ്ഥാന സെക്രട്ടറി എന്നീ സ്ഥാനങ്ങള്‍ വഹിക്കുന്നു. ജി.ഐ.ഒ മുന്‍ സംസ്ഥാന പ്രസിഡന്റായിരുന്നു. ജമാഅത്തെ ഇസ്ലാമി വനിതാ വിഭാഗം സംസ്ഥാന അധ്യക്ഷ, വനിതാവിഭാഗം മലപ്പുറം ജില്ലാ പ്രസിഡന്റ് എന്നീ സ്ഥാനങ്ങളും വഹിച്ചിട്ടുണ്ട്.

മലപ്പുറം ജില്ലയിലെ ശാന്തപുരത്ത് 1980 ല്‍ മുഹമ്മദ് – മറിയം ദമ്പതികളുടെ മകളായി ജനിച്ചു. ശാന്തപുരം ഇസ്ലാമിയ്യ കോളേജില്‍ പഠനം പൂര്‍ത്തിയാക്കി. നിലിവല്‍ ശാന്തപുരം അല്‍ജാമിഅല്‍ ഇസ്ലാമിയ്യയിലെ പാര്‍ട്ട് ടൈം അധ്യാപികയാണ്.  ശാന്തപുരം ഇസ്ലാമിയ്യ കോളേജ്, വണ്ടൂര്‍ ഇസ്ലാമിയ്യ കോളേജ്, ശാന്തപുരം ഹയര്‍ സെക്കന്ററി സ്‌കൂള്‍ എന്നീ സ്ഥാപനങ്ങളില്‍ അധ്യാപികയായി സേവനമനുഷ്ടിച്ചിട്ടുണ്ട്. ഭര്‍ത്താവ്: വി.പി. മുഹമ്മദുണ്ണി. മൂന്ന് മക്കളുണ്ട്.

സംഘാടകന്‍. പ്രഭാഷകന്‍. പത്രാധിപര്‍. ജമാഅത്തെ ഇസ്ലാമി സംസ്ഥാന പബ്ലിക് റിലേഷന്‍ സെക്രട്ടറിയും കൂടിയാലോചനാ സമിതിയംഗവുമാണ്. ബോധനം ത്രൈമാസിക എഡിറ്റര്‍, കേരള മുസ്ലിം ഹിസ്റ്ററി ഫൗണ്ടേഷന്‍ കോഡിനേറ്റര്‍, ഡയറക്ടര്‍, ഇന്‍സ്റ്റിറ്റിയൂട്ട് ഓഫ് റിസര്‍ച്ച് ആന്റ് പോളിസി സ്റ്റഡീസ്, സോളിഡാരിറ്റി യൂത്ത് മൂവ്‌മെന്റ് സംസ്ഥാനസമിതിയംഗം എന്നീ ചുമതലകള്‍ വഹിക്കുന്നുണ്ട്. 2011 -2012 കാലയളവില്‍ എസ്.ഐ.ഒ സംസ്ഥാന പ്രസിഡന്റായിരുന്നു. എസ്.ഐ.ഒ കേന്ദ്ര കമ്മിറ്റിയംഗം, എസ്.ഐ.ഒ കേരള സെക്രട്ടറി എന്നീ ഉത്തരവാദിത്തങ്ങളും നിര്‍വ്വഹിച്ചിട്ടുണ്ട്.

1983 ഏപ്രില്‍ 25 ന് മോഴിക്കല്‍ മൂസയുടെയും പനങ്ങാടന്‍ കുഞ്ഞിപ്പാത്തുവിന്റെയും മകനായി മലപ്പുറം ജില്ലയിലെ പൂക്കോട്ടൂരില്‍ ജനിച്ചു. അല്‍ ജാമിഅ അല്‍ ഇസ്ലാമിയ്യ ശാന്തുപുരത്ത് പഠനം പൂര്‍ത്തിയാക്കി. തുടര്‍ന്ന് ഇംഗ്ലീഷ് ആന്റ് ഫോറിന്‍ ലാഗ്വേജ് യൂണിവേഴ്‌സിറ്റി ഹൈദ്രാബാദ്, യൂണിവേഴ്‌സിറ്റി ഓഫ് മദ്രാസ്, ചെന്നൈ എന്നിവിടങ്ങളില്‍ തുടര്‍ പഠനം നിര്‍വ്വഹിച്ചു. 2011 ല്‍ ജമാഅത്തെ ഇസ്ലാമി അംഗമായി. ഭാര്യ താഹിറ കെ.പി. മക്കള്‍: ലിഷാന്‍, ലിന്‍ഷ.

ഇസ്‌ലാമിക ചിന്തകന്‍, വാഗ്മി. ജമാഅത്തെ ഇസ്ലാമി സംസ്ഥാന കൗണ്‍സില്‍ അംഗവും ജമാഅത്തെ ഇസ്ലാമി അഖിലേന്ത്യ കൂടിയാലോചനാ സമിതിയംഗവുമാണ്. ആള്‍ ഇന്ത്യാ മുസ്ലിം പേഴ്‌സണല്‍ ലോ ബോര്‍ഡിന്റെ സ്ഥാപകാംഗം. ഐ.പി.എച്ച് പ്രസിദ്ധീകരിച്ചു കൊണ്ടിരിക്കുന്ന ഇസ്ലാമിക വിജ്ഞാനകോശം ചീഫ് എഡിറ്റര്‍. 1972-1979, 1982-1984 കാലയളവുകളില്‍ ജമാഅത്തെ ഇസ്‌ലാമി സംസ്ഥാന അമീറായിരുന്നു. ജമാഅത്തെ ഇസ്ലാമിയുടെ തുടക്കം മുതല്‍ ജമാഅത്തെ ഇസ്‌ലാമി സംസ്ഥാന കൂടിയാലോചന സമിതിയംഗവും 1972 മുതല്‍ കേന്ദ്ര കൂടിയാലോചനാ സമിതിയംഗവുമാണ്. ഇത്തിഹാദുൽ ഉലമാ സംസ്ഥാന എക്സിക്യൂട്ടീവ് അംഗം കൂടിയാണ്.

ജീവിത രേഖ: കോഴിക്കോട് ജില്ലയിലെ ആയഞ്ചേരിയില്‍ പ്രശസ്ത മതപണ്ഡിതനായിരുന്ന തറക്കണ്ടി അബ്ദുര്‍റഹ്മാന്‍ മുസ്ലിയാരുടെയും ഫാത്വിമയുടെയും മകനായി 1929ല്‍ ജനിച്ചു. വാഴക്കാട് ദാറുല്‍ ഉലൂം, തിരൂരങ്ങാടി ജുമുഅഃ മസ്ജിദ്, പുളിക്കല്‍ മദീനതുല്‍ ഉലൂം, കാസര്‍ഗോഡ് ആലിയ അറബിക് കോളേജ് എന്നിവിടങ്ങളില്‍ പഠിച്ചു. ഇവിടെ വിദ്യാര്‍ഥിയായിരിക്കെ പ്രബോധനം പ്രതിപക്ഷപത്രത്തില്‍ ചേര്‍ന്നു. മൗലാനാ മൗദൂദിയുടെ തഫ്ഹീമുല്‍ ഖുര്‍ആന്‍ ഉറുദു പരിഭാഷയുടെ  ആദ്യഭാഗം ടി. ഇസ്ഹാഖ് അലി മൗലവിയോടൊപ്പം വിവര്‍ത്തനം ചെയ്തു.1959ല്‍ ജമാഅത്തെ ഇസ്ലാമിയില്‍ അംഗമായി.  അതേ വര്‍ഷം ഹാജി സാഹിബിന്റെ മരണത്തെ തുടര്‍ന്ന് ടി. മുഹമ്മദ് സാഹിബ് പത്രാധിപരും ടി.കെ അബ്ദുല്ലാ സഹപത്രാധിപരുമായി. 1964ല്‍ പ്രബോധനം വാരികയും മാസികയുമായി പുറത്തിറങ്ങിയപ്പോള്‍ പ്രബോധനം വാരികയുടെ പ്രഥമപത്രാധിപരായി ചുമതലയേറ്റു. 1992ല്‍ ബാബരിമസ്ജിദ് തകര്‍ക്കപ്പെട്ട സാഹചര്യത്തില്‍ നിരോധിക്കപ്പെട്ട പ്രബോധനം 1994ല്‍ വീണ്ടും പ്രസിദ്ധീകരണം ആരംഭിച്ചപ്പോള്‍ ടി.കെ അബ്ദുല്ല ചീഫ് എഡിറ്ററായി. 1995 അവസാനത്തില്‍ കെ.സി. അബ്ദുല്ല മൗലവിയുടെ നിര്യാണത്തെ തുടര്‍ന്ന് പ്രബോധനത്തില്‍ നിന്ന് വിട്ട് ബോധനം ത്രൈമാസികയുടെ മുഖ്യപത്രാധിപസ്ഥാനം ഏറ്റെടുത്തു. അടിയന്തരാവസ്ഥയില്‍ ജയില്‍വാസമനുഭവിച്ചിട്ടുണ്ട്. കേരള മജ്‌ലിസുത്തഅ്‌ലീമില്‍ ഇസ്‌ലാമിയുടെ സെക്രട്ടറിയായും സേവനമനുഷ്ഠിച്ചിട്ടുണ്ട്. കൂടാതെ ഐ. പി. ടി മെമ്പര്‍, അല്‍ മദീന ചാരിറ്റബിള്‍ ട്രസ്റ്റ് മെമ്പര്‍, ദല്‍ഹി ദഅ്‌വ ട്രസ്റ്റ് മെമ്പര്‍, അലിഗഢ് ഇദാറെ തഹ്കീകാതെ ഇസ്ലാമി അംഗം, , ഐ. എസ്. ടി. മെമ്പര്‍, ഐ. എം. ടി. മെമ്പര്‍, വിജ്ഞാന കോശം ചീഫ് എഡിറ്റര്‍, ബോധനം ത്രൈ മാസിക ചീഫ് മുന്‍ എഡിറ്റര്‍, ഐ. പി. എച്ച്. ഉപദേശക സമിതി അംഗം, കുറ്റിയാടി ഇസ്ലാമിയ കോളേജ് ട്രസ്റ്റ് ചെയര്‍മാന്‍ എന്നീ ഉത്തരവാദിത്തങ്ങള്‍ വഹിക്കുന്നു. രചനകള്‍: നടന്നു തീരാത്ത വഴികളില്‍ എന്ന പേരില്‍ ജീവചരിത്രം പ്രസിദ്ധീകരിച്ചിട്ടുണ്ട്. ലേഖന സമാഹരാണ് നവോത്ഥാന ധര്‍മ്മങ്ങള്‍ . പ്രസിദ്ധമായ പ്രഭാഷണങ്ങള്‍ ‘നാഴികക്കല്ലുകള്‍’ എന്ന പേരില്‍ സമാഹരിച്ചിട്ടുണ്ട്. ഇസ്‌ലാമിക് പബ്ലിഷിങ് ഹൗസ് പ്രസിദ്ധീകരിച്ച ഇഖ്ബാലിനെ കണ്ടെത്തല്‍ എന്ന കൃതി കോഴിക്കോട് നടന്ന പ്രഭാഷണങ്ങളുടെ സമാഹാരമാണ്. അല്ലാമാ ഇഖ്ബാലിന്റെ കവിതകള്‍ പ്രഭാഷണങ്ങളിലെ ശ്രദ്ധേയമായ ഒരിനമാണ്. ശരീഅത്ത് വിവാദ കാലത്ത് കേരളത്തില്‍ സജീവമായി ഇസ്‌ലാമികപക്ഷത്ത് നിന്ന് ഇടപെട്ട പ്രഭാഷകനായിരുന്നു. കമ്മ്യൂണിസത്തെ സൈദ്ധാന്തിക തലത്തില്‍ നിരൂപണം ചെയ്യുന്ന പ്രഭാഷണങ്ങളും ശ്രദ്ധേയമാണ്. മലയാളത്തെ പോലെ തന്നെ ദേശീയതല ജമാഅത്ത് പരിപാടികളില്‍ ടി.കെ നടത്തിയ ഉറുദു പ്രഭാഷണങ്ങളും ശ്രദ്ധയാകര്‍ഷിക്കുന്നു.

കുടുംബം: ഭാര്യ: കുഞ്ഞാമിന. മക്കള്‍: ടി. കെ. എം. ഇഖ്ബാല്‍, .ടി. കെ ഫാറൂഖ് , സാജിദ.

വിദ്യാഭ്യാസ പ്രവര്‍ത്തകന്‍. പ്രഭാഷകന്‍. എഴുത്തുകാരന്‍. ജമാഅത്തെ ഇസ്ലാമി സംസ്ഥാന ശൂറാംഗവും കേന്ദ്ര പ്രതിനിധിസഭാംഗവുമാണ്. ജമാഅത്തെ ഇസ്ലാമി വിദ്യാഭ്യാസ വകുപ്പിന്റെ ചെയര്‍മാന്‍, ശാന്തപുരം അല്‍ജാമിഅ അല്‍ ഇസ്ലാമിയ്യ അഡ്മിനിസ്്‌ട്രേറ്റീവ് കൗണ്‍സില്‍ ചെയര്‍മാന്‍ എന്നീ ഉത്തരവാദിത്തങ്ങള്‍ നിര്‍വഹിക്കുന്നു. വെല്‍ഫെയര്‍ പാര്‍ട്ടി ഓഫ് ഇന്ത്യ കേരള ഘടകത്തിന്റെ പ്രഥമ പ്രസിഡന്റ്, സോളിഡാരിറ്റി യൂത്ത് മൂവ്‌മെന്റ് പ്രഥമ സംസ്ഥാന പ്രസിഡന്റ് (2003-2005), എസ്.ഐ.ഒ സംസ്ഥാന പ്രസിഡന്റ്, എസ്. ഐ. ഒ കേന്ദ്ര കൂടിയാലോചന സമിതിയംഗം എന്നീ നേതൃ സ്ഥാനങ്ങളും വഹിച്ചിട്ടുണ്ട്. എക്‌സ്പ്രസ് ഹൈവേ വിരുദ്ധ സമരം, പ്ലാച്ചിമട സമരം തുടങ്ങിയ മേഖലളില്‍ പോരാട്ടരംഗത്ത് നേതൃപരമായ പങ്ക് വഹിച്ചു. ചേന്ദമംഗല്ലൂര്‍ ഹയര്‍സെക്കന്ററി സ്‌കൂളിന്റെ പ്രിന്‍സിപ്പാളായി തുടരുന്നു.വാടനപ്പള്ളി ഓര്‍ഫനേജ് ആന്റ് ഇസ്ലാമിയ്യ കോളേജ് അലുംനി അസോസിയേഷന്‍ (ഉസ്‌റ) പ്രസിഡന്റാണ്. സംഘാടക രംഗത്തെന്ന പോലെ പത്രപ്രവര്‍ത്തനമേഖലയിലും സാന്നിദ്ധ്യമായിട്ടുണ്ട്. എസ്.ഐ.ഒ മുഖപത്രമായിരുന്ന യുവസരണി മാസിക എഡിറ്ററായിരുന്നു. പ്രബോധനം വാരികയുടെ ഓണററി എഡിറ്ററായിട്ടുണ്ട്. ഇസ്ലാമിക് പബ്ലിഷിങ് ഹൗസ് പ്രസിദ്ധീകരിക്കുന്ന ഇസ്ലാമിക വിജ്ഞാനകോശം ഉപദേശകസമിതിയിലും അംഗമാണ്. 1964 ഒക്ടോബര്‍ 16 ന് മാമ്പള്ളി കുഞ്ഞിക്കോയയുടെയും നഫീസ കരുവാതൊടിയുടെയും മകനായി മകനായി മലപ്പുറം ജില്ലയില്‍ കൂട്ടിലില്‍ ജനനം.വിദ്യാഭ്യാസം M.A (English), M.Ed. ഇസ്ലാമിയ കോളേജ് വാടാനപ്പള്ളി,മാര്‍ഇവാനിയേസ് കോളേജ് തിരുവനന്തപുരം എന്നിവിടങ്ങളില്‍ പഠനം. കാലിക്കറ്റ് യൂണിവേഴ്‌സിറ്റിയില്‍ നിന്നും ഡോക്ടറേറ്റ് (പി. എച്ച്. ഡി) നേടി. പ്രകാശം പരത്തുന്ന പ്രസ്ഥാനം, സംസ്‌കാരം ഉറുമ്പരിക്കുന്നു എന്നീ പുസ്തകങ്ങള്‍ രചിച്ചിട്ടുണ്ട്. നിരവധി വേദികളില്‍ പ്രബന്ധാവതരണങ്ങളും പ്രഭാഷണങ്ങളും നടത്തിയിട്ടുണ്ട്. 1998ല്‍ ജമാഅത്തെ ഇസ്ലാമിയില്‍ അംഗമായി. മക്കള്‍: തസ്‌നി, തന്‍വീര്‍ അഹ്മദ്. തഹാനി.

ഇസ്‌ലാമിക പണ്ഡിതന്‍. ജമാഅത്തെ ഇസ്‌ലാമി അഖിലന്ത്യാ ശൂറാംഗം. സംസ്ഥാന ശൂറാംഗം. ഇത്തിഹാദുല്‍ ഉലമാ സംസ്ഥാന പ്രസിഡന്റ്. ബൈതുസ്സകാത്ത് കേരള ചെയർമാൻ ഇസ്‌ലാമിക് യൂണിവേഴ്‌സിറ്റി ശാന്തപുരം മുന്‍ ഡയറക്ടറായിരുന്നു. ഇസ്‌ലാമിക വിജ്ഞാനകോശം പത്രാധിപസമിതി അംഗം, കാലിക്കറ്റ് യൂണിവേഴ്‌സിറ്റി ഇസ്‌ലാമിക് ചെയര്‍ മെമ്പര്‍ എന്നീ നിലകളിലും സേവനമനുഷ്ടിക്കുന്നു. കേരള വഖഫ്‌ബോര്‍ഡ് മെമ്പറായി സേവനമനുഷ്ടിച്ചിട്ടുണ്ട്. 1970 മുതല്‍ മൂന്നുവര്‍ഷം പ്രബോധനം വാരികയുടെ സഹപത്രാധിപരായിരുന്നു. ചേന്ദമംഗല്ലൂര്‍ ഇസ്‌ലാഹിയാ കോളേജിലും 1980 മുതല്‍ 16 വര്‍ഷം ഖത്വറിലെ വഖഫ് മന്ത്രാലയത്തിലും ജോലി ചെയ്തു. ബോധനം ചീഫ് എഡിറ്റര്‍, ജമാഅത്തെ ഇസ്‌ലാമി കേരള അസി. സെക്രട്ടറി, ജമാഅത്തെ ഇസ്‌ലാമി കേന്ദ്രപ്രതിനിധി സഭാംഗം, ഐ. പി. എച്ച് ഡയറക്ടര്‍ ബോര്‍ഡ് മെമ്പര്‍ എന്നീ ചുമതലകള്‍ വഹിച്ചിരുന്നു. മജ്‌ലിസ് സംസ്ഥാന സമിതി മെമ്പര്‍, മസ്ജിദ് കൌണ്‍സില്‍ മെമ്പര്‍, ഹജ്ജ് സെല്‍ മെമ്പര്‍, ഉലമാ കൌണ്‍സില്‍ മെമ്പര്‍, ഖുര്‍ആന്‍ സ്‌റഡീ സെന്റര്‍ സംസ്ഥാന കോഓഡിനേറ്റര്‍,മജല്ലതുല്‍ ജാമിഅഃ (അറബി മാഗസിന്‍) ചീഫ് എഡിറ്റര്‍, എന്നീ നിലകളിലും ഉത്തരവാദിത്തങ്ങള്‍ വഹിച്ചിട്ടുണ്ട്. തഫ്ഹീമുല്‍ ഖുര്‍ആന്‍ വിവര്‍ത്തനത്തില്‍ പങ്കെടുത്തു. കേരള ജമാഅത്തെ ഇസ്‌ലാമിയുടെ വിദ്യാഭ്യാസ സമിതിയായ മജ്‌ലിസുത്തഅ്‌ലീമില്‍ ഇസ്‌ലാമിക്കുവേണ്ടി നബിചരിത്രം, ഖുര്‍ആന്‍ പഠനം എന്നീ പാഠപുസ്തകങ്ങള്‍ രചിച്ചു. അഹ്മദ് ഉറൂജ് ഖാദിരിയുടെ ഇസ്‌ലാമിന് രാഷ്ടീയ വ്യാഖ്യാനമോ, അതികായന്‍മാരുടെ സംവാദം, ഇസ്‌ലാം രാഷ്ട്രീയം അധികാരം, വിമര്‍ശിക്കപ്പെടുന്ന മൌദൂദി എന്നിവ വിവര്‍ത്തനഗ്രന്ഥങ്ങളാണ്.

മലപ്പുറം ജില്ലയിലെ എടയൂരില്‍ വള്ളൂരന്‍ ബാവുട്ടിയുടെയും വള്ളൂരന്‍ കുഞ്ഞാച്ചുട്ടിയുടെയും മകനായി 1948 ല്‍ ജനിച്ചു. വിദ്യാഭ്യാസം: തിരൂര്‍ക്കാട് ഇലാഹിയ കോളേജ്, ശാന്തപുരം ഇയ കോളേജ്(എഫ്.ഡി) , ഖത്തറിലെ മഅ്ഹദുദ്ദീനീ, ഖത്തര്‍ യൂണിവേഴ്‌സിറ്റി, ബി.എസ്.എസ്സി. 1987 ല്‍ ജമാഅത്തെ ഇസ്‌ലാമിയില്‍ അംഗമായി. ഭാര്യ: തങ്കയത്ത് ഇത്തീരുമ്മ, മക്കള്‍: മന്‍സൂര്‍, ഹിശാം, നബീല്‍, സുറയ്യ, സല്‍വ.

സോഷ്യല്‍ ആക്ടിവിസ്റ്റ്, എഴുത്തുകാരന്‍. ജമാഅത്തെ ഇസ്ലാമി സംസ്ഥാന കൂടിയാലോചന സമിതിയംഗം. വെല്‍ഫെയര്‍ പാര്‍ട്ടി സ്‌റ്റേറ്റ് കമ്മിറ്റി മെമ്പറാണ്. 2014-2015 കാലയളവില്‍ സോളിഡാരിറ്റി സംസ്ഥാന പ്രസിഡന്റായിരുന്നു. എസ്.ഐ.ഒ മുന്‍ സംസ്ഥാന സമിതിയംഗമായിട്ടുണ്ട്. ജനപക്ഷം മാസികയുടെ മുഖ്യപത്രാധിപരാണ്.ഇസ്ലാമിക് പബ്ലിഷിങ് ഹൗസ്, പ്രബോധനം എന്നിവിയില്‍ പത്രാധിപ സമിതിയംഗമാണ്. മൂന്ന് പുസ്‌കങ്ങള്‍ എഡിറ്റ് ചെയ്ത് പ്രസിദ്ധീകരിച്ചിട്ടുണ്ട്.

കോഴിക്കോട് ജില്ലയിലെ വേളത്ത് 1975 സെപ്തംബര്‍ 2 ന് ജനനം. പിതാവ് ഇബ്രാഹിം. മാതാവ്. മര്‍യം. വിദ്യാഭ്യാസം: ബി.എ, ബി.എഡ്. ഭാര്യ: താഹിറ, മക്കള്‍: മര്‍യം, നാസിഹ, ആമിന മിന്നത്ത്, കവിത തബസ്സും.

പ്രഭാഷകന്‍. ഇസ്ലാമിക പണ്ഡിതന്‍. ജമാഅത്തെ ഇസ്ലാമി സംസ്ഥാന ശൂറാംഗം. ജമാഅത്തെ ഇസ്ലാമി കേന്ദ്ര പ്രതിനിധി സഭാംഗം. ഇടുക്കി ജില്ല പ്രസിഡന്റ്. എസ്.ഐ. ഒ മുന്‍ സംസ്ഥാന പ്രസിഡന്റായിരുന്നു. ഉറുദു ഭാഷയില്‍ പ്രാവിണ്യമുള്ള ഉമരി സാഹിബ് വിവര്‍ത്തന പ്രഭാഷണരംഗത്ത് ശ്രദ്ധേയനാണ്. 1985 ല്‍ ജമാഅത്തെ ഇസ്ലാമിയില്‍ അംഗമായി. ഇത്തിഹാദുൽ ഉലമാ സംസ്ഥാന എക്സിക്യൂട്ടീവ് അംഗമാണ്. 1959 മെയ് 13 ന് അബ്ദുല്‍ഖാദറിന്റെയും ഐഷയുടെയും മകനായി ഇടുക്കി ജില്ലയിലെ കാഞ്ഞാറില്‍ ജനിച്ചു. അഫ്ദലുല്‍ ഉലമാ എല്‍.ടി.ടി.സി അറബിക്. തമിഴ്‌നാട് ഉമറാബാദിലെ ജാമിഅ ദാറുസ്സലാമില്‍ നിന്നും ബിരുദം നേടിയിട്ടുണ്ട്. അധ്യാപനായി സേവനമനുഷ്ടിച്ചിട്ടുണ്ട്. ഭാര്യ: സല്‍മത്ത് എന്‍.എം. മക്കള്‍: സുല്‍ഫത്ത്, നുസ്‌റത്ത്, സഫ്-വത്ത്.

മാധ്യമ പ്രവര്‍ത്തകന്‍. ഇസ്ലാമിക ചിന്തകന്‍. ജമാഅത്തെ ഇസ്ലാമി സംസ്ഥാന കൂടിയാലോചന സമിതിയംഗം. മീഡിയാവണ്‍ മാനേജിങ് എഡിറ്റര്‍. സ്റ്റുഡന്റ് ചാരിറ്റബിള്‍ ട്രസ്റ്റ് ചെയര്‍മാന്‍, ജമാഅത്തെ ഇസ്ലാമി മൂഴിക്കല്‍ പ്രാദേശിക അമീര്‍ എന്നീ ചുമതലകള്‍ വഹിക്കുന്നു. എസ്.ഐ.ഒ മുന്‍ സംസ്ഥാന പ്രസിഡന്റായിരുന്നു. എസ്.ഐ.ഒ കേന്ദ്ര കൗണ്‍സില്‍ അംഗമായിട്ടുണ്ട്. 2011 ല്‍ ജമാഅത്തെ ഇസ്ലാമി അംഗമായി. ജമാഅത്തെ ഇസ്ലാമി മീഡിയ സെക്രട്ടറി, സോളിഡാരിറ്റി സംസ്ഥാന സമിതിയംഗം, മാധ്യമം അസി.എക്‌സി. എഡിറ്റര്‍ തുടങ്ങിയ ചുമതലകളും വഹിച്ചിട്ടുണ്ട്. 1978 ജനുവരി 1 ന് കോഴിക്കോട് ജില്ലയിലെ നരിപ്പറ്റയില്‍ മൂസ – മാമി ദമ്പതികളുടെ മകനായി ജനിച്ചു. മാസ് കമ്മ്യൂണിക്കേഷനില്‍ ബിരുദാനന്തര ബിരുദം നേടിയിട്ടുണ്ട്. ഗസ്സ പോരാളികളുടെ പറുദീസ, അറബ് വസന്തം- ഭാവിയുടെ രാഷ്ട്രീയം എന്നീ പുസ്തകങ്ങള്‍ രചിച്ചിട്ടുണ്ട്. ഭാര്യ: മുഫീദ. മക്കള്‍: ഫിദല്‍, സനല്‍, ഇശല്‍, റിമല്‍.

ഇസ്ലാമിക പണ്ഡിതന്‍, ഗ്രന്ഥകാരന്‍. ജമാഅത്തെ ഇസ്ലാമി സംസ്ഥാന സമിതിയംഗവും ജമാഅത്തെ ഇസ്ലാമി അഖിലേന്ത്യ പ്രതിനിധി സഭാംഗവുമാണ്. ശാന്തപുരം അല്‍ ജാമിഅ അല്‍ ഇസ്ലാമിയ്യ റെക്ടറായി സേവനം ചെയ്യുന്നു. മീഡിയാവൺ ചാനൽ എം.ഡി, വെല്‍ഫെയര്‍ പാര്‍ട്ടി അഖിലേന്ത്യ ട്രഷറര്‍, ശാന്തപുരം ഇസ്ലാമിക് യൂണിവേഴ്‌സിറ്റിയുടെ ഡെപ്യൂട്ടി വൈസ് ചാന്‍സ്ലര്‍, സംസ്ഥാന ഹജ്ജ് കമ്മിറ്റിയംഗം, ഇസ്ലാമിക് പബ്ലിഷിങ് ഹൗസ് ഡയറക്ടറേറ്റ് അംഗം, ഇസ്ലാമിക വിജ്ഞാനകോശം നിര്‍മ്മാണ സമിതിയംഗം എന്നീ സ്ഥാനങ്ങളും ഏറ്റെടുത്തിട്ടുണ്ട്. എസ്.ഐ.ഒ സംസ്ഥാന സമിതിയംഗം, അല്‍ ജാമിഅ അറബി ത്രൈമാസിക എഡിറ്റര്‍, യുവസരണി വാരികയുടെ പ്രഥമ പത്രാധിപര്‍, പ്രതീക്ഷ പബ്ലിക്കേഷന്‍ ഡയറക്ടര്‍, ഖത്തര്‍ ഇന്ത്യന്‍ ഇസ്ലാമിക് അസോസിയേഷന്‍ ഡയറക്ടര്‍, പ്രബോധനം സബ് എഡിറ്റര്‍, ദഅവാ കോളേജ് പ്രിന്‍സിപ്പല്‍ എന്നിങ്ങനെ വ്യത്യസ്തങ്ങളായ നിലകളില്‍ സേവനമനുഷ്ടിച്ചു. അന്താരാഷ്ട്ര ഇസ്ലാമിക പണ്ഡിതവേദികളിലെ സജീവ സാന്നിദ്ധ്യം, ലോക ഇസ്ലാമിക പ്രസ്ഥാനങ്ങളുമായും നായകരുമായുമുള്ള ബന്ധം എന്നീ നിലകളില്‍ ശ്രദ്ധേയത നേടിയ ഇന്ത്യയിലെ ഇസ്ലാമിക പണ്ഡിതന്‍. 2009 ല്‍ മുസ്ലിം വേള്‍ഡ് ലീഗ് സംഘടിപ്പിച്ച ജനീവ ഡയലോഗ് സമ്മേളനം, ഒ.ഐ.സി ദോഹ സമ്മേളനം, കുവൈത്തില്‍ നടന്ന ബൈത്തുസ്സകാത്ത് സമ്മേളനം എന്നിവയില്‍ പങ്കെടുത്തിട്ടുണ്ട്. നോബല്‍ സമ്മാനം ലഭിച്ച ആദ്യ മുസ്ലിം വനിതയും അറബ് വസന്തത്തിലെ സജീവ സ്ത്രീ സാന്നിദ്ധ്യവുമായ തവക്കുല്‍ കര്‍മ്മാനുമായി കൂടിക്കാഴ്ച നടത്തിയിട്ടുണ്ട്. പ്രബോധനവും പ്രതിരോധവും ഇന്ത്യന്‍ സാഹചര്യത്തില്‍, വിമര്‍ശിക്കപ്പെടുന്ന മൌദൂദി, യാത്രാമൊഴി(വിവര്‍ത്തനം), ഫലസ്തീന്‍ പ്രശ്‌നം(വിവര്‍ത്തനം), മുസ്ലിം ഐക്യം: സാധുതയും സാധ്യതയും(വിവര്‍ത്തനം), ലാ ഇലാഹ ഇല്ലല്ലാ: ആദര്‍ശം, നിയമം, ജീവിതവ്യവസ് (വിവര്‍ത്തനം), സലഫിസത്തിന്റെ സമീപനങ്ങള്‍ (വിവര്‍ത്തനം), മുസ്‌ളിംകളും ആഗോളവല്‍ക്കരണവും എന്നീ കൃതികള്‍ രചിച്ചിട്ടുണ്ട്.

വ്യക്തിവിശേഷം: 1962 മെയ് 31 മലപ്പുറം ജില്ലയിലെ വാണിയമ്പലത്തിനടുത്ത ശാന്തിനഗറില്‍ ജനിച്ചു. പിതാവ് മോയിക്കല്‍ അഹ്മദ്കുട്ടി ഹാജി. മാതാവ് കോട്ടക്കുത്ത് ഫാത്വിമ. സ്‌കൂള്‍ വിദ്യാഭ്യാസത്തിന് ശേഷം കുറ്റിയാടി ഇസ്ലാമിയ്യ കോളേജ്, അലിഗഢ് മുസ്ലിം യൂണിവേഴ്‌സിറ്റി എന്നിവിടങ്ങളില്‍ പഠനം നടത്തി. കാലിക്കറ്റ് യൂണിവേഴ്‌സിറ്റിയില്‍ നിന്ന് ഡോക്ടറേറ്റ് ലഭിച്ചു. ഖത്തര്‍ പ്രതിരോധ മന്ത്രാലയം ട്രാന്‍സ്ലേറ്റര്‍ ആയി ജോലി ചെയ്തിട്ടുണ്ട്. 1994 ല്‍ ജമാഅത്തെ ഇസ്ലാമിയില്‍ അംഗമായി. ഭാര്യ : ഹസീന. എം. മക്കള്‍: ജസീം, റഷാദ്, നസ്വീഹ്.സ്ത്രീ ഇസ്ലാമിക സമൂഹത്തില്‍

ജമാഅത്തെ ഇസ്ലാമി കൂടിയാലോചനാ സമിതിയംഗം. ജമാഅത്തെ ഇസ്ലാമി കേന്ദ്ര പ്രതിനിധിസഭാംഗം. ജമാഅത്തെ ഇസ്ലാമി തിരുവനന്തപുരം ജില്ലാ പ്രസിഡന്റ്. ഐ. ആര്‍. ഡബഌയു. എക്‌സിക്യുട്ടീവ് മെമ്പര്‍. ജമാഅത്ത് ഘടകത്തിന്റെ സെക്രട്ടറിയായിരുന്നു. തിരുവനന്തപുരം അഴിക്കോട് ഇസ്ലാമിക് എഡ്യൂക്കേഷന്‍ കോംപഌ്‌സ് പ്രിന്‍സിപ്പല്‍, തിരുവനന്തപുരം ജില്ലാ നാസിം, തിരുവനന്തപുരം, കൊല്ലം, ആലപ്പുഴ മേഖലാ നാസിം എന്നീ ചുമതലകള്‍ വഹിച്ചിട്ടുണ്ട. ശാന്തപുരം ഇസ്ലാമിയ്യ കോളേജില്‍ പഠനം. ബി.എഡ്, ഇലക്ട്രിക് എഞ്ചിനീയറിങില്‍ ഡിപ്ലോമ. ജസ്റ്റിസ് ഫോര്‍ മഅ്ദനി ഫോറം ജനറല്‍ കണ്‍വീനര്‍ സ്ഥാനത്ത് നിന്ന് കൊണ്ട് മനുഷ്യാവകാശ പ്രവര്‍ത്തനങ്ങളില്‍ സജീവമായിരുന്നു. തിരുവനന്തപുരം കേന്ദ്രീകരിച്ച് പ്രവര്‍ത്തിക്കുന്ന മത സൗഹാര്‍ദ്ധ വേദിയായ ശാന്തി സമിതിയുടെ ജനറല്‍ കണ്‍വീനറാണ്. 1998 ല്‍ ജമാഅത്തെ ഇസ്ലാമിയില്‍ അംഗമായി. 1963 ജൂലൈ 31 ന് ഇ.ഹംസയുടെയും എ. ആരിഫാബീവിയുടെയും മകനായി തിരുവനന്തപുരം ജില്ലയിലെ തോന്നക്കലില്‍ ജനിച്ചു. ഭാര്യ: ഡോ. മഹുവായിലത്ത് ബീവി. മക്കള്‍: ഫാതിമ, ഫാതിമ, ഹസനുല്‍ ബന്ന, ഫൌസിയ, ഹനാന്‍ മുഹമ്മദ്.

സംസ്ഥാന ശൂറാംഗം, കേന്ദ്ര പ്രതിനിധി സഭാംഗം

ഇസ്ലാമിക പണ്ഡിതന്‍. വിദ്യാഭ്യാസ-സാമൂഹ്യക്ഷേമ മേഖലയില്‍ സജീവമായി നിലകൊള്ളുന്നു. ജമാഅത്തെ ഇസ്ലാമി സംസ്ഥാന ശൂറാംഗവും കേന്ദ്ര പ്രതിനിധി സഭാംഗവുമാണ്. ഇസ്ലാം മിഷന്‍ ട്രസ്റ്റ് (ഐ.എം.ടി) സെക്രട്ടറി, വാടാനപ്പള്ളി ഓര്‍ഫനേജ് കമ്മിറ്റി ചെയര്‍മാന്‍, അന്‍സാര്‍ ചാരിറ്റബിള്‍ ട്രസറ്റ് എക്‌സിക്യൂട്ടീവ് കമ്മിറ്റി ചെയര്‍മാന്‍, പി.എസ്.കെ.ടി പത്തിരിപ്പാല ചെയര്‍മാന്‍ എന്നീ ചുമതലകള്‍ വഹിക്കുന്നുണ്ട്. ജമാഅത്തെ ഇസ്ലാമിക്ക് കീഴിലുള്ള ദേശീയ സാമൂഹ്യ-വിദ്യാഭ്യാസ-സേവന പ്രമര്‍ത്തനങ്ങള്‍ക്ക് നേതൃത്വം നല്‍കുന്ന ഹ്യൂമണ്‍ വെല്‍ഫെയര്‍ ഫൗണ്ടേഷന്‍ സെക്രട്ടറിയാണ്. ജമാഅത്തെ ഇസ്ലാമിയുടെ മേഖലാ നാസിം, മൂവാറ്റുപുഴ വിമന്‍സ് ഇസ്ലാമിയ്യ കോളേജ് പ്രിന്‍സിപ്പാള്‍, എറിയാട് വിമന്‍സ് കോളേജ് പ്രിന്‍സിപ്പാള്‍, വാടാനപ്പള്ളി ഇസ്ലാമിയ്യ കോളേജ് പ്രിന്‍സിപ്പാള്‍ എന്നീ സ്ഥാനങ്ങള്‍ വഹിച്ചിട്ടുണ്ട്.

1944 ല്‍ ശാന്തപുരത്ത് മുഹമ്മദിന്റെയും മറിയമിന്റെയും മകനായി ജനിച്ചു. ശാന്തപുരം ഇസ്ലാമിയ്യ കോളേജില്‍ പഠിച്ചു. ഭാര്യ: ഖദീജ. മക്കള്‍: ഹഫ്‌സ, നസീം, സാജിദ, നജ്മുന്നിസ, നദീറ, യാസിര്‍, അബ്ദുറബ്ബ്, മുബാറക, ബിലാല്‍ എന്നിവര്‍ മക്കളാണ്. 1973 ല്‍ ജമാഅത്തെ ഇസ്ലാമി അംഗമായി. ബൈതുസ്സകാത്ത് ബംഗ്ലാദേശ് സമ്മേളനത്തില്‍ പങ്കെടുത്തിട്ടുണ്ട്.

സാമൂഹിക-രാഷ്ട്രീയ പ്രവര്‍ത്തകന്‍. സംഘാടകന്‍. ജമാഅത്തെ ഇസ്ലാമി സംസ്ഥാന സമിതിയംഗം. വെല്‍ഫെയര്‍ പാര്‍ട്ടി സംസ്ഥാന പ്രസിഡന്റാണ്. സോളിഡാരിറ്റി യൂത്ത് മൂവ് മെന്റ്  സംസ്ഥാന പ്രസിഡന്റ്, സോളിഡാരിറ്റി സംസ്ഥാന ജനറല്‍ സെക്രട്ടറി, എസ്.ഐ.ഒ സംസ്ഥാന കൂടിയാലോചന സമിതിയംഗം, ജമാഅത്തെ ഇസ്ലാമി മലപ്പുറം ജില്ലാ പ്രസിഡന്റ് എന്നീ സ്ഥാനങ്ങള്‍ വഹിച്ചിട്ടുണ്ട്. കേരളത്തിലെ ഒട്ടേറെ പരിസ്ഥിതി, മനുഷ്യാവകാശ പ്രവര്‍ത്തനങ്ങള്‍ക്ക് നേതൃത്വം നല്‍കി വരുന്നു.

1969 മെയ് 9 ന് മോയിന്‍ അഹ്മദ് കുട്ടി ഹാജിയുടെയും കോട്ടക്കൂത്ത് ഫാത്തിമയുടെയും മകനായി മലപ്പുറം ജില്ലയിലെ വാണിയമ്പലത്ത് ജനിച്ചു. ശാന്തപുരം ഇസ്ലാമിയ്യ കോളേജില്‍ ആര്‍ട്‌സ് ആന്റ് ഇസ്ലാമിക കോഴ്‌സ്, ദ്അവ കോഴ്‌സ് എന്നിവ പഠനം. ബി.എ, ബി.എഡ്. അറബികില്‍ ബിരുദാനന്തരബിരുദം. ജമാഅത്തെ ഇസ്ലാമി സംസ്ഥാന ശൂറാംഗം അബ്ദുസ്സലാം വാണിയമ്പലം സഹോദരനാണ്. ഭാര്യ: മുംതാസ് ബീഗം. മക്കള്‍: ഷിബിന്‍ റഹ്മാന്‍, അഫ്‌നാന്‍, അഹ്മദ് യാസീന്‍.

ഖാലിദ് മൂസ നദ്‌വി

സംസ്ഥാന ശൂറാംഗം; കേന്ദ്ര പ്രതിനിധിസഭാംഗം

ജമാഅത്തെ ഇസ്ലാമി സംസ്ഥാന ശൂറാംഗം. ജമാഅത്തെ ഇസ്ലാമി കേന്ദ്ര പ്രതിനിധിസഭാംഗമാണ്. ജമാഅത്തെ ഇസ്ലാമി വനിതാവകുപ്പിന്റെ സംസ്ഥാന വൈസ് പ്രസിഡന്റ്, ജി.ഐ.ഒ സംസ്ഥാന പ്രസിഡന്റ് എന്നീ സ്ഥാനങ്ങള്‍ വഹിച്ചിട്ടുണ്ട്. പി.വി. ഹുസൈന്‍ മൗലവിയുടെയും പരേതയായ കെ.ടി. ജമീലയുടെയും മകളായി 1971 മെയ് 30 ന് കോഴിക്കോട് ജില്ലയിലെ ചേന്ദമംഗല്ലൂരില്‍ ജനിച്ചു. വിദ്യാഭ്യാസം: എം.എ. ബി.എഡ്. ഭര്‍ത്താവ്: പരേതനായ മുത്തലിബ് മുഹിയുദ്ദീന്‍.

ജമാഅത്തെ ഇസ്ലാമി സംസ്ഥാന ശൂറാംഗം. മീഡിയവണ്‍ എക്‌സിക്യൂട്ടീവ് ഡയറക്ടര്‍. എസ്.ഐ.ഒ മുന്‍ സംസ്ഥാന പ്രസിഡന്റായിരുന്നു. എസ്.ഐ.ഒ കേന്ദ്ര കൂടിയാലോചനാ സമിതിയംഗം, സോളിഡാരിറ്റി പ്രവര്‍ത്തക സമിതിയംഗം, ഐ.പി.എച്ച് ഡയറക്ടര്‍ എന്നീ ഉത്തരവാദിത്തങ്ങള്‍ വഹിച്ചിട്ടുണ്ട്. ടി.കെ.അബ്ദുല്ലാ മൗലവിയുടെയും ഒ.കെ. കുഞ്ഞാമിനയുടെയും മകനായി 1966 മെയ് 24 ന് കോഴിക്കോട് ജില്ലയിലെ കുറ്റിയാടിയില്‍ ജനിച്ചു. പിതാവ് ടി.കെ. അബ്ദുല്ല ജമാഅത്തെ ഇസ്ലാമി മുന്‍ അമീറും ശൂറാംഗവുമാണ്. ഇംഗ്ലീഷില്‍ ബിരുദാനന്തര ബിരുദവും ബി.എഡുമുണ്ട്. ഭാര്യ: ജമീല.പി. മക്കള്‍: സയ്യാഫ്, ഇന്‍സാഫ്, ഔസാഫ് അഹ്മദ്, ഹന്നാഫ് അബ്ദുല്ല. 1996 ല്‍ ജമാഅത്തെ ഇസ്ലാമിയില്‍ അംഗമായി.